11/30/14

2014-2015 оны хичээлийн жилийн шилдэг илтгэл шалгарлаа.

Энэ хичээлийн жилд сурган хүмүүжүүлэх илтгэлийн сэдэв нь "Хүүхэг нэг бүрийн хөгжил ба нэгж хичээлийн төлөвлөлт" байсан юм. Энэхүү сэдвээр манай мэргэжлийн зөвлөлийн олон багш нар олон сайхан санааг уралдуулсан, сайхан илтгэлүүд тавигдлаа. Үүнээс багш Д.Энхсайхан, Б.Отгон нарын хамтарсан "Гадаад хэлний хичээлд шинэ үг хэллэг чээжлэхийн чухлыг тооцож үзсэн илтгэл шалгарсан байна. Ингээд хоёр багшдаа цаашдын ажил хөдөлмөрт, мөн дараагийн шатны илтгэлийн уралдаанд нь өндөр амжилт хүсье.

Манай мэргэжлийн зөвлөлийн 2014-2015 оны хичээлийн жилд Хүүхэд хөгжүүлэх чиглэлээр хийж буй ажлууд

манай мэргэжлийн зөвлөл энэ хичээлийн жилд Хүүхэд хөгжүүлэх чиглэлээр олон сайхан ажлуудыг зохион байгуулж байгаа билээ. Үүнд:

Баянхонгор аймгийн Гадаад хэлний багш нарын дунд гар бөмбөгийн тэмцээн болж өнгөрлөө.

2014 оны 11 дүгээр сарын 29нд Баянхонгор аймгийн Эрдэм ахлах сургууль дээр Аймгийн гадаад хэлний багш нарын дунд гар бөмбөгийн тэмцээн зохион байгуулагдлаа. Тус тэмцээнийг Эрдэм ахлах сургуулийн Гадаад хэлний секцийн хамт олон амжилттай сайхан болж байна гэж багш нар сэтгэл өндөр байлаа. Тэмцээний дүн гарахад 1-р байранд Баян-Ойт, Соого-Сейкео сургуулийн багш нарын хамтарсан баг 2-р байранд Эрдэм ахлах сургуулийн баг 3-р байранд Номгон ахлах сургуулийн багш нар орлоо.

11/5/14

Орос хэл соёлын өдрүүд болж өнгөрлөө.

2014 оны 10-р сарын 10-13нд Өвөрхангай аймгийн Арвайхээр хотноо Орос хэл соёлын өдөрлөг болж өнгөрлөө. Энэхүү ажлыг Монгол-Оросын найрамдлын нийгэмлэг, Оросын соёл шинжлэх ухааны төв, Өвөрхангай аймгийн Засаг даргын тамгын газар хамтран зохион байгуулсан юм. Уг арга хэмжээний үеэр 11,12-р ангийн сурагчдын дунд Орос хэлний олимпиад, шилдэг багш шалгаруулах уралдаан, Орос дуу шүлгийн уралдаан, ЗХУ, ОХУ-д төгсөгчдийн уулзалт үдэшлэг зэрэг олон сайхан арга хэмжээ болж өнгөрлөө.
Энэхүү өдөрлөгт Өвөрхангай, Архангай, Баянхонгор, Говь-Алтай аймгийн нийт арав гаруй багш, 70 гаруй сурагч оролцсон бол манай аймгаас явсан багийн маань амжилт гэвэл: Номгон ахлах сургуулийн 12б ангийн сурагч Б.Удаанжаргал ОХУ-д үнэ төлбөргүй суралцах эрхийн бичиг, Номгон ахлах сургуулийн 10в ангийн сурагч Г.Хажидмаа тусгай байр, 30000 төгрөг, Номундалай цогцолбор сургуулийн 10-р ангийн сурагч Анужин тусгай байр 30000 төгрөг, Номгон ахлах сургуулийн 10а ангийн сурагч Ц.Мажигсүрэн дууны тэмцээний тусгай байр, Номгон ахлах сургуулийн Орос хэлний багш Б.Цэрэнчимэд мөн тусгай байр, 100000 төргөгөөр тус тус шагнагдлаа. Өдөрлөгт амжилттай оролцсон нийт багш сурагчдадаа баяр хүргэж амжилт хүсье.

10/8/14

Багш нарын сургалт боллоо.

2014 оны 8-р сарын 19,20,21ний өдрүүдэд Баянхонгор аймагт Зочин багш хөтөлбөрийн хэрэгжилтээр Багшийн мэргэжил дээшлүүлэх институтийн багш нар ирж сургалт зохион байгууллаа. Энэ хүрээнд гадаад хэлний багш нарын сургалтыг БМДИ-ийн Гадаад хэлний мэргэжилтэн Уламбаяр, Баянхонгор аймгийн БГ-ын гадаад хэлний мэргэжилтэн Л.Сарангэрэл нар хамтран зохион байгууллаа.